廣東話資料館「通學」系列第十三本，同讀者一齊睇吓海盜喺香港出現嘅時代。

香港海域喺秦漢時期已經有海盜出現；古代嘅香港海域，因為地處偏遠、海岸線曲折，加上島嶼眾多，自唐宋以嚟就成為海盜嘅天然避風港同大本營。

「海盜」喺古代通常被稱為「海寇」、「島寇」或者「洋匪」。佢哋嘅行為唔單止限於單純嘅搶劫，通常會結合埋「海盜」同「海商」等嘅幾種身份，因應貿易同地緣政治而生。